एनसीडीए नवलपुरको अध्यक्षमा विष्णु कंडेल

२०८० पुष २८, शनिबार १०:२७:००

शेयर गर्नुहोस :

काठमाडौँ : नेपाल औषधि व्यवसायी संघ (एनसीडीए) नवलपुरको अध्यक्षमा विष्णु कंडेल निर्वाचित भएका छन् । शुक्रबार भएको दोस्रो अधिवेसनबाट १३ सदस्यीय कार्यसमिति निर्वाचित भएको हो ।

शनिबार बिहान सकिएको मतगणना अनुसार निकटतम प्रदिद्वन्दी जीवनराज सापकोटालाई ३ मतले पराजित गर्दै ५५ मतका साथ कँडेल अध्यक्षमा निर्वचित भएका हुन् ।

अध्यक्षका प्रत्यासी शंकर खरालले २४ मत प्राप्त गरेका छन् । यस्तै संघको वरिष्ठ उपाध्यक्षमा लक्ष्मण शर्मा पौडेल, थोक तर्फ उपाध्यक्षमा सुर्य प्रसाद सुवेदी, खुद्रातर्फको उपाध्यक्षमा ओम बहादुर महतो निर्वाचित भएका छन् । यस्तै महासचिवमा ईश्वरी प्रसाद घिमिरे, कोषाध्यक्षमा पशुपति भूषाल(राजु) सचिवमा जिवन पौडेल र उप कोषाध्यक्षमा नारायण घिमिरे निर्वाचित भएका छन् ।

सदस्यहरुमा चिन्तामणि महतो, नारायण घिमिरे, झम्कनाथ सुवेदी (रवी), सोमनाथ शर्मा र शेरबहादुर मल्ल निर्वाचित भएका हुन् ।कुल १ सय ५३ मतदाता रहेको मा १ सय ३२ मत खसेको थियो ।